保險

人壽

基本個人唔建議買儲蓄保壽，買人壽買termlife就可以了，初初出嚟做野買一百萬至百五萬定期人壽，冇乜事當留舊養老金俾父母，到時有樓，比如差三百萬未供既，咪買咪三百萬第減定期囉，總之個人咩幾多債，就買幾大額，咩保額供完一世嗰啲冇乜意思，因為根本唔知幾時會claim人壽，或者聽日就bye bye呢。

醫療

住院醫療加每日住院全set，門診就唔好買喇，基本上越易cliam既野一定保費越高，何況嗰三幾百傷風感冒錢都俾唔起根本由一開就唔應該買保險，留兩個錢俾屋企開飯啦。

意外

買傷亡同意外醫療，個額唔洗太大，因為已買住院同termlife，包倒唔入院時既醫生費同物理治療之類就得。依家有啲意外保埋中醫，要睇清楚條款，因為中醫保一般勁多條款，基本上可以睇倒政府醫院中醫藥部的都可以了。

危疾

自已考慮，買啲十年定額或定額到65yrs嗰啲，後生早啲供，平好多，供危疾主要都係希望仲搵緊錢時大吉利是中左，起碼唔洗攞幾十萬儲蓄出嚟醫，有好多人係到頭來要按左層樓醫病。

到最後，全部加埋，月供唔好超過你人工既十分之一。